રાજકોટ રેન્જ આઇ.જી. અશોકકુમાર યાદવએ પ્રોહિબિશન/ જુગારની ગેરકાયદેસર પ્રવૃત્તિ સદંતર નેસ્ત નાબુદ કરવા વધુમાં વધુ કેસો શોધી કાઢી અસરકારક કામગીરી કરવા સુચના કરેલ હોય જે અન્વયે કામગીરી કરતા દરમિયાન મોરબી તાલુકા પોલીસની ટીમે મોરબી તાલુકાના બેલા ગામની સીમ ખોડીયાર ચેમ્બરમાંથી નશીલા આયુર્વેદિક શિરપની બોટલો સાથે એક વ્યક્તિની અટકાયત કરી છે.
મળતી માહિતી અનુસાર, મોરબી તાલુકા પોલીસને મળેલી ખાનગી બાતમીના આધારે તાલુકા પોલીસે બેલા ગામની સીમમાં ખોડીયાર ચેમ્બરમાં આવેલ દુકાનમાં રેઈડ કરી ગેરકાયદેસર પાસ પરમિટ કે આધાર વગર પોતાની દુકાનમાં રાખેલ નશિલી આયુર્વેદિક શિરપની કુલ ૧૭૧૦ બોટલોનો રૂ.૨,૫૫,૧૫૦ નો મુદ્દામાલ મળી આવતા પોલીસે જથ્થો રાખી વેંચાણ કરનાર કમલભાઇ રજીતભાઇ દેબનાથ (રહે. બેલા ગામની સીમમાં, ખોડીયાર ચેમ્બર દુકાન નં.૨.૪ તા.જી.મોરબી રહે. ગયેરગારી, કોતવાલી તા-ડાઉગોરી, જી-કોચબિહાર, પશ્ચિમ બંગાળ) વિરુધ્ધ તપાસ હાથ ધરી છે.
