મોરબી માળિયાના કોંગી ઉમેદવાર જયંતીલાલ પટેલએ ચૂંટણીમાં લોકોનો જનાદેશ સ્વીકાર્યો

મોરબી જિલ્લામાં ત્રણેય બેઠક પર કેસરિયો છવાયો છે. ટંકારા બેઠક પર કૉંગ્રેસના લલિત કગથરા અને વાંકાનેર બેઠક પર જાવીદ પીરજાદાએ હારનો સામનો કરવાનો વારો આવ્યો છે. તેમજ મોરબી માળિયા બેઠક પર જયંતીલાલ જે.પટેલની હાર થઈ છે. જેને લઈ કોંગ્રેસના ઉમેદવાર અને મોરબી જિલ્લા કોંગ્રેસ સમિતીના પ્રમુખ જયંતીલાલ જે.પટેલે જનાદેશ સ્વીકાર કર્યો છે. અને પોતાની હાર સ્વીકારી છે. જયંતીલાલ જે.પટેલે જણાવ્યું હતું કે, મોરબી માળિયા વિસ્તારના મતદારો એ આપેલ ચૂકાદો સય સ્વીકાર કરીએ છીએ. મોરબી માળીયા વિસ્તાર તથા મોરબી જિલ્લાના લોકોના હિત માટે પ્રયત્નશીલ રહીશ અને આ વિસ્તાર ના લોકો સાથે થતાં અન્યાય સામે લોકોની વચ્ચે રહી અવાજ ઉઠાવી લડતો રહીશ.