માળિયા હાઇવે પર કન્ટેનરમાં આગ લાગી: મોરબી ફાયરની ટીમે ઘટનાસ્થળ પર પહોંચી આગ પર કાબુ મેળવ્યો

મોરબીમાં આગ લાગવાની વધુ એક ઘટના સામે આવી છે. જેમાં આજ રોજ વહેલી સવારે માળિયા હાઇવે સુરજબારી પુલ પાસેથી પસાર થઇ રહેલ એક ટ્રકમાં અચાનક આગ લાગી જવા પામી હતી. જે અંગે મોરબી ફાયર કંટ્રોલરૂમને ટેલિફોનિક જાણ કરવામાં આવતા મોરબી ફાયર એન્ડ ઇમરજન્સી સર્વિસીસ તાત્કાલિક ઘટનાસ્થળે પહોંચી હતી. અને ટ્રકમાં લાગેલ આગ પર પાણીનો મારો ચલાવી આગને કાબુમાં લીધી હતી.જો કે ટ્રક આગ લાગવાનાં કારણે ખાખ થઇ ગયો હતો. તેમજ સદ્નસીબે બનાવમાં કોણ પણ પ્રકારની જાનહાની સર્જાઈ નથી.