જુના જાંબુડીયા ગામેથી દેશી દારૂની ભઠ્ઠી ઝડપાઈ

મોરબી તાલુકા પોલીસે જુના જાંબુડીયા ગામમાં આરોપીએ રહેણાંક મકાનમાં ગેર કાયદેસર ચાલતી દેશી દારૂની ભઠ્ઠી પર રેઈડ કરી એક ઈસમને મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી તાલુકા પોલીસે જુના જાંબુડીયા ગામમાં આરોપી ધીરૂભાઇ છગનભાઇ વીંજવાડીયાના રહેણાંક મકાનમાં રેઈડ કરી આરોપીએ ગેર કાયદેસર પાસ પરમીટ કે આધાર વગર રૂ.૧૬૦/-ની કિંમતનો 8 લીટર દેશી દારૂ તથા કેફી પ્રવાહી દેશી દારૂ બનાવવાનો રૂ.૨૦૦/-ની કિંમતનો ૧૦૦ લીટર ઠંડો આથો તથા ભઠ્ઠીના સાધનો મળી કુલ રૂ.૩૬૦/-નો મુદામાલ કબ્જે કરી રેઇડ દરમ્યાન આરોપી હાજર મળી આવતા તેના વિરૂદ્ધ મોરબી તાલુકા પોલીસે ગુન્હો દાખલ કરી કાયદેસરની કાર્યવાહી હાથ ધરી છે.