મોરબી ક્રાઇમ બ્રાંચ પોલીસ ટીમે પૂર્વ બાતમીને આધારે માળીયા(મી)ના દેવગઢ ગામે દરોડો પાડી રહેણાંક મકાનમાંથી વિદેશી દારૂની અલગ અલગ બ્રાન્ડની ૫૯ નંગ બોટલ ઝડપી લેવામાં આવી હતી, આ સાથે મકાન માલીક બુટલેગરની સ્થળ ઉપરથી અટકાયત કરી તેની વિરુદ્ધ ગુનો દાખલ કરી આગળની તપાસ ચલાવી છે.
પ્રાપ્ત માહિતી મુજબ મોરબી એલસીબી પોલીસ ટીમ માળીયા(મી) ગામ વિસ્તારમાં પેટ્રોલિંગમાં હોય તે દરમિયાન ખાનગીરાહે બાતમી મળેલ કે દેવગઢ ગામે આશિષ સવસેટા પોતાના રહેણાંકમાં વેચાણ કરવાના આશયથી વિદેશી દારૂનો જથ્થો ઉતરેલ હોય અને હાલ આ ગેરકાયદેસર પ્રવૃત્તિ ચાલુ હોય જે મુજબની મળેલ બાતમીને આધારે ઉપરોક્ત દેવગઢ ગામે રહેણાંકમાં રેઇડ કરતા મકાનમાંથી વિદેશી દારૂની અલગ અલગ બ્રાન્ડની ૫૯ બોટલ કિ.રૂ.૨૩,૪૬૬/- મળી આવી હતી, જેથી આરોપી આશિષભાઈ વાલાભાઈ સવસેટા ઉવ.૨૦ રહે.માળીયા(મી) તાલુકાના દેવગઢ ગામવાળાની અટક કરવામાં આવી હતી, આ સાથે પકડાયેલ આરોપી વિરુદ્ધ પ્રોહી.એક્ટ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.
