મોરબીના વાંકાનેર નજીક આવેલ વઘાસિયા ટોલ પ્લાઝા પાસે નકલી ટોલનાકાના કેસમાં પાંચ ઈસમો વિરૂદ્ધ નામજોગ ગુનો નોંધવામાં આવ્યો હતો જેમાં મોરબી એલસીબી દ્વારા બે આરોપીને ભાવનગર નજીકથી ઝડપી પાડવામાં આવ્યા છે.
ગત તં.૪ ડિસેમ્બર ના રોજ વાંકાનેર નજીક આવે વઘાસિયા ટોલ પ્લાઝા પાસ નકલી ટોલનાકુ બનાવીને ગેર કાયદેસર વાહનો પસાર કરવાને ટોલ ઉઘરાવવાના કેસમાં વાંકાનેર સીટી પોલીસ મથકમાં અમરશી પટેલ,રવિરાજ સિંહ વનરાજસિંહ ઝાલા,હરવિજયસિંહ ઝાલા,ધર્મેન્દ્રસિંહ બહાદુરસિંહ ઝાલા,યુવરાજ સિંહ બહાદુર સિંહ ઝાલા અને અજાણ્યા માણસો વિરુદ્વ ગુનો નોંધાયો હતો.
જે પૈકી બે આરોપીની મોરબી એલસીબી દ્વારા ધરપકડ કરવામાં આવી છે જેમાં આરોપી રવિરાજસિંહ ઝાલા અને હરવિજયસિંહ ઝાલા ની મોરબી એલસીબી ટીમ દ્વારા ભાવનગર ના જેસર પોલીસ મથક વિસ્તારમાંથી ધરપકડ કરવામાં આવી છે અને બન્ને આરોપીઓને વાંકાનેર સીટી પોલીસ મથકે સોંપવામાં આવ્યા છે અને વાંકાનેર પોલીસે પણ બંન્ને આરોપીઓની ધોરણસર અટકાયત કરવા તજવીજ હાથ ધરી છે.
