હળવદના ચરાડવા નજીક રોડ ઉપર આખલો આડો ઉતરતા અથડાયેલ બાઇક ચાલકનું મોત

હળવદના ચરાડવા ગામે ભરવાડવાસમાં રહેતા દિનેશભાઇ છેલાભાઇ મુંધવા ઉવ.૩૩ ગત તા. ૨૫/૦૭ના રાત્રીના આઠ વાગ્યાની આસપાસ હીરો કંપનીનું સ્પ્લેન્ડર પ્લસ બાઇક રજી.નં. જીજે-૩૬-એજી-૭૨૬૩ લઈને સમલી ગામથી ચરાડવા ગામ તરફના સિંગલપટ્ટી રોડ ઉપર પસાર થઈ રહ્યા હતા તે દરમિયાન રોડ ઉપર અચાનક આખલો આડો ઉતરતા દીનેશભાઈનું બાઇક આખલા સાથે અથડાયું હતું. જેથી દીનેશભાઈને ગળાના ભાગે તથા શરીરે ગંભીર ઇજાઓ થતા તેમનું મૃત્યુ નીપજ્યું હતું. સમગ્ર બનાવ અંગે મૃતકના પિતાની પ્રાથમિક વિગતોને આધારે હળવદ પોલીસે અ. મોતની નોંધ કરી આગળની તપાસ ચલાવી છે.