મોરબીમાં નિર્માણ પામી રહેલ એપાર્ટમેન્ટના ૧૧માં માળેથી નીચે પટકાતા શ્રમિકનું મોત

મોરબીનાં ફ્લોરા-૧૧ રવાપર રેસીડેન્શી સામે રવાપર ઘુનડા રોડ ખાતે ગઈકાલે એક દુર્ઘટના ઘટી હતી. જેમાં ૧૧ માં માળે કામ કરી રહેલ મજુરનો કામ કરતા સમયે અકસ્માતે પગ લપસી જતા નીચે પટકાતા તેનું મોત નીપજ્યું હતું.

મળતી માહિતી અનુસાર, મોરબી ફ્લોરા-૧૧ રવાપર રેસીડેન્શી સામે રવાપર ઘુનડા રોડ ખાતે રહેતો મૂળ ઉત્તરપ્રદેસનો શીવાકુમાર સંતોષરામ કુમાર નામનો યુવક ગઈકાલે બપોરના સમયે ફ્લોરા-૧૧ બીલ્ડીંગના ૧૧ માં માળે કામ કરી રહ્યો હતો. ત્યારે અકસ્માતે તેનો પગ લપસી જતા તે ૧૧માં માળેથી નિચે પટકાયો હતો. જેના કારણે તેને ગંભીર ઈજાઓ પહોંચતા તેનું ઘટનાસ્થળે જ મોત નીપજ્યું હતું. જે સમગ્ર મામલે મૃતકનાં ભાઈ આશિષકુમાર સંતોષરામ કુમાર દ્વારા મોરબી સીટી એ ડિવીઝન પોલીસ સ્ટેશન ખાતે અકાળે મોતની નોંધ કરાવવામાં આવી છે.