માળીયા મી.નાં મોટા દહિસરા પાસે પાણીના વોકળામાં ડુબી જતા યુવકનું મોત

માળીયા મી.માં વધુ એક અપમોતની ઘટના સામે આવી છે. જેમાં એક યુવક બે દિવસ પૂર્વે રાત્રીના સમયે પોતાના ખેતરે જતો હતો. ત્યારે રસ્તામાં આવતા વોકળામાં અગમ્ય કારણોસર પડી જતા યુવકનું ડૂબી જતા મોત નીપજ્યું હતું.

મળતી માહિતી અનુસાર, માળીયા મી. ના મોટા દહીંસરા ખાતે રહેતો રણધીરભાઇ જલાભાઇ હુંબલ નામનો યુવક કુંતાસીના રસ્તે આવેલ પોતાના ખેતરે જતો હતો. ત્યારે રસ્તામાં આવેલ પાણીના વોકળામાં અગમ્ય કારણોસર ડુબી જતા તેને તાત્કાલિક મોરબી સરકારી હોસ્પિટલમં સારવારમાં ખસેડવામાં આવ્યો હતો. જ્યાં ફરજ પરના ડોક્ટરે યુવકને તપાસી મૃત જાહેર કરી સમગ્ર મામલે માળીયા મી. પોલીસ સ્ટેશનમાં અકાળે મોતની નોંધ કરાવી છે.