મોરબી કચ્છ અને સુરેન્દ્રનગરની ધરા ધ્રુજી:કેન્દ્રબિંદુ ભચાઉથી ૨૧ કિમી દૂર

રવિવારે ગુજરાતમાં વિવિધ જિલ્લાઓમાં ભૂકંપના આંચકા અનુભવાયા છે.મોરબી કચ્છ અને સુરેન્દ્રનગરમાં લોકોએ આ ભૂકંપના હળવો આંચકો અનુભવ્યો છે. આજે સાંજે કચ્છના ભચાઉમાં ધજા ધ્રૂજી છે. આ સાથે મોરબી અને સુરેન્દ્રનગરમાં પણ ભૂકંપના આંચકા અનુભવ થયા છે.ભૂતકાળમાં ૨૬ જાન્યુઆરી ૨૦૦૧ ના રોજ પણ મોરબી કચ્છ અને સુરેન્દ્રનગરમાં ધરા ધ્રૂજી હતી અને ભારે વિનાશ વેરાયો હતો.

મોરબી કચ્છ અને સુરેન્દ્રનગર માં લોકોએ ભૂકંપના આંચકા અનુભવ્યા છે. માહિતી મુજબ, ભચાઉથી ૨૧ કિલોમીટર દૂર આ ભૂંકપનું કેન્દ્રબિંદુ નોંધાયું છે. સાંજે અંદાજે ૪.૪૫ મિનિટે લોકોએ ૪ ની તીવ્રતાનો ભૂકંપનો આંચકો અનુભવાયો હતો. ભૂકંપનો આંચકો અનુભવતા લોકો બહાર નીકળી આવ્યા હતા. અત્યાર સુધી કોઈ જાનહાનિ કે નુકસાનના સમાચાર મળ્યા નથી.