ઢીશુમ..!! મોરબીની અવની ચોકડી નજીક પરવાનાવાળી પીસ્ટલમાંથી ફાયરિંગ : પોલીસ ફરીયાદ નોધાઈ

મોરબીનાં રવાપર રોડ પર આવેલ સુભાષનગર સોસાયટી પાસે ફાયરિંગ થયાની ઘટના સામે આવી છે. જેમાં એક યુવકે પોતાના લાયસન્સ વાળા હથીયારથી હવામા એક રાઉન્ડ ફાયરીંગ કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, મોરબીના રવાપર રોડ સુભાષનગર ખાતે રહેતા મૂળ ટંકારાના લજાઈ ગામનાં જતીન રામજીભાઇ વામજા નામના યુવકે કોઇપણ ભયજનક કારણ વગર પોતાના લાયસન્સ વાળા હથીયારથી હવામા એક રાઉન્ડ ફાયરીંગ કરી પ્રજામા ભય ફેલાવી મનુષ્યની જીંદગી જોખમાય તેમજ શારીરિક સલામતીને જોખમ મુકાય તેવુ કૃત્ય કરતા લાયસન્સ ધારક જતીન રામજીભાઇ વામજા વિરુદ્ધ મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.