મોરબીમાં દારૂ પકડાવવાનો સિલસિલો યથાવત રહ્યો છે. ગઈકાલે મોરબી જિલ્લા પોલીસે મોરબી શહેરમાંથી વિદેશી દારૂ તથા તાલુકા વિસ્તારમાંથી દેશી દારૂનો જથ્થો પકડી પાડી બે ઈસમોની અટકાયત કરી છે.
પ્રથમ દરોડામાં, મોરબી સીટી બી ડિવિઝન પોલીસની ટીમે બાતમીનાં આધારે સો-ઓરડી વરીયાદેવના મંદીર પાછળ રેઈડ કરી સંદીપભાઇ બેચરભાઇ ચાઉ (રહે-સો-ઓરડી વરીયાદેવના મંદીર પાછળ મોરબી-૨) નામના શખ્સને ભારતીય બનાવટની વિદેશી ઇંગ્લીશ દારૂની ગ્રીન લેબલ વ્હીસ્કીની ૦૩ બોટલનાં રૂ.૧,૦૨૦/-નાં મુદામાલ સાથે પકડી પાડી આરોપી વિરુધ્ધ પ્રોહિબિશન કલમ-૬૫(એ)(ઇ), ૧૧૬(બી), મુજબ ગુન્હો નોંધી કાયદેસરની કાર્યવાહી હાથ ધરી છે.
બીજા દરોડામાં, મોરબી તાલુકા પોલીસની ટીમે પોલો સર્કલ સામે હોકળા પાસે બેલા ગામની સીમ ખોખરા હનુમાન રોડ પર રેઈડ કરી અમિતભાઇ ગગજીભાઇ ગોહેલ (રહે.હાલ-વીશીપરા, કુલીનગર-૦૧ મકાન નંબર-૩૨ મોરબી-૦૨ મુળ ગામ માથક તા.હળવદ જી.મોરબી) નામના શખ્સને પ્લાસ્ટિકના બાચકામાં ૧૭ લીટર દેશી પીવાનો દારૂ ભરેલ પારદર્શક ૮૫ કોથળીઓનાં રૂ.૩૪૦/-ના મુદ્દામાલ સાથે પકડી પાડ્યો છે. જયારે આરોપીએ આ મુદ્દમાલ વિજયભાઇ બાબુભાઇ વીંજવાડીયા (રહે.માધાપર શેરી નંબર-૨૯ મોરબી) પાસેથી વેચાણ કરવાનાં ઇરાદે મેળવ્યો હોવાનું જણાવતા પોલીસે વિજયભાઇને પકડવા ચક્રો ગતિમાન કર્યા છે.
