ભગવાન શ્રીરામ લલ્લાના અયોધ્યામાં બિરાજમાન થવા જઈ રહ્યા છે. ત્યારે અયોધ્યા ભગવાન રામ મંદિર ને લઇને અનેક યાદો તાજી થઈ રહી છે. આજે વાત કરીએ બાબરી મસ્જિદ પર સૌ પ્રથમ વાર કોઠારી ભાઈઓએ ગુંબજ પર ચઢી ભગવો લહેરાવ્યો હતો.
૧૯૯૦ના વર્ષમાં દેશમાં રામજન્મભૂમિ આંદોલન ખુબ ઝડપથી આગળ વધતું હતું. ભગવાન રામ લલાના મંદિર માટેની તીવ્ર માગ હિન્દુઓમાં ઉઠી રહી હતી. હિન્દુ સંગઠનોના નેજા હેઠળ ગામડાઓ સુધી રામજન્મ ભૂમિની માગ થઇ રહી હતી. તેવામાં એલાન કરાયું કે અયોધ્યામાં ભગવાન રામલલાના મંદિર પાસે કારસેવા કરાશે અને લોકોમાં ઝનૂન ફેલાયું. કારસેવા માટે દેશભરમાંથી લાખો કારસેવકો અયોધ્યા પહોંચવા લાગ્યા હતા. હાથમાં ભગવો ઝંડો લઇ રામ લલા હમ આયેંગે, મંદિર વહી બનાયેંગેના નારા હેઠળ કાર સેવકો અયોધ્યા પહોંચી રહ્યા હતા. ૨૧ થી ૩૦ ઓક્ટોબર સુધી અયોધ્યામાં દેશની દરેક દિશામાંથી કાર્યકરો આવી રહ્યા હતા. હિન્દુ સંગઠનોના અશોક સિંઘલ, ઉમા ભારતી, વિનય કટિયાર જેવા નેતાઓ આ કાર્યકરોને માર્ગદર્શન આપી રહ્યા હતા. લાખો કારસેવકોમાં કોલકાતાના બે યુવાન ભાઇઓ રામ કુમાર કોઠારી અને શરદ કોઠારી પણ સામેલ થયાં હતાં.
ઉત્તર પ્રદેશમાં મુલાયમ સિંહ યાદવની સરકાર હતી. મુલાયમસિંહે નક્કી કર્યું કે ભલે ગમે તે થાય પણ આ કારસેવકોને રોકી દેવામાં આવશે. મુલાયમસિંહે ફાયરિંગ કરવાનો પણ પોલીસને આદેશ કર્યો હતો. અયોધ્યા સહિતના આસપાસના વિસ્તારોમાં લાખો કારસેવકો પહોંચતા સ્થિતિ વણસી રહી હતી.
આ લાખો કારસેવકોમાં કોલકાતામાં રહેતા બે કોઠારી ભાઈઓ હતા જેમાં ૨૩ વર્ષિય રામકુમાર કોઠારી અને ૨૦ વર્ષિય શરદ કોઠારી જેઓ કપાળ પર તિલક લગાવીને અને રામનું નામ લઈને કોલકાતાથી અયોધ્યા જવા રવાના થયા હતા. આ બંને ભાઈઓએ બાબરી મસ્જિદના ગુંબજ પર ચડીને ધ્વજ ફરકાવ્યો હતો. સંતો અને કાર સેવકોએ સુરક્ષા દળોની બસને નિયંત્રિત કરતા પોલીસે કાર સેવકોની અટકાયત કરી હતી અને તેમને શહેરની બહાર ખસેડી દીધા હતા.
એક સાધુએ હનુમાન ગઢી પાસે ઉભેલી આ બસોમાંથી એક બસના ડ્રાઈવરને ધક્કો મારતાં નીચે ધકેલી દીધો હતો. બેરિકેડ તોડીને વિવાદિત માળખા તરફ લઈ જતા બેરિકેડીંગ તોડતાની સાથે જ જય શ્રી રામના નારા વધુ જોરથી થવા લાગ્યા અને ૫૦૦૦ થી વધુ કાર સેવકો વિવાદિત માળખાની નજીક પહોંચી ગયા હતા. ત્યારે પોલીસ પણ સમજી ગઈ હતી કે કાર સેવકોને કાબૂમાં રાખવું તેમના માટે મુશ્કેલ બનશે. તે સમયે મુલાયમ સિંહ યાદવ યુપીના મુખ્યમંત્રી હોવાથી તેમની સ્પષ્ટ સૂચના હતી કે મસ્જિદને કોઈ નુકસાન થવું જોઈએ નહિ. પોલીસને લોકોને વિખેરવા પહેલા માત્ર ટીયર ગેસના શેલ ઉપયોગ કરવાની સ્પષ્ટ સૂચના આપવામાં આવી હતી, પરંતુ, બેરિકેડિંગ તૂટી ગયા પછી, કાર સેવકો વિવાદિત માળખાના ગુંબજ પર ચઢી ગયા હતા અને ત્યારે કોઠારી બ્રધર્સે ભગવો ધ્વજ ફરકાવ્યો હતો. આ પછી પોલીસે કાર સેવકો પર ગોળીબાર શરૂ કર્યો હતો. સરકારી આંકડાઓ અનુસાર, ૩૦ ઓક્ટોબર ૧૯૯૦ના રોજ અયોધ્યામાં થયેલા ગોળીબારમાં પાંચ કારસેવકોએ જીવ ગુમાવ્યા હતા. સીઆરપીએફના જવાનોએ બંને કોઠારી ભાઈઓને માર્યા હતા અને તેમનો પીછો કર્યો હતો. કોઠારી બ્રધર્સના મિત્ર રાજેશ અગ્રવાલના કહેવા પ્રમાણે ‘આઈ વિટનેસ ઑફ અયોધ્યા’ પુસ્તક મુજબ ૨૨ ઑક્ટોબરની રાત્રે શરદ અને રામકુમાર કોઠારી કોલકાતાથી નીકળી ગયા હતા. સરકારે તમામ બસો અને ટ્રેનો બંધ કરી દીધી હતી જેથી વધુ લોકો અયોધ્યા ન પહોંચી શકે, પરંતુ મજબૂત ઇરાદા સાથે નીકળેલા કોઠારી બંધુઓએ બનારસમાં રોકાવાનું અને ટેક્સી દ્વારા આઝમગઢના ફુલપુર નગર પહોંચવાની યોજના બનાવી. રસ્તો બંધ હતો અને કોઈક રીતે બચવા બંને ભાઈઓ ૨૫મી ઓક્ટોબરે અયોધ્યા તરફ પગપાળા નીકળ્યા હતા લગભગ ૨૦૦ કિલોમીટર ચાલીને બંને ૩૦ ઓક્ટોબરે અયોધ્યા પહોંચ્યા હતા અને શરદ કોઠારીએ ૩૦ ઓક્ટોબરના રોજ ગુંબજ પર ચઢનારા પ્રથમ વ્યક્તિ હતા. ત્યારે તેનો ભાઈ રામકુમાર પણ આવ્યો હતો. બંનેએ ત્યાં ભગવો ધ્વજ ફરકાવ્યો હતો. તેમજ પુસ્તક ‘આઈ વિટનેસ ઑફ અયોધ્યા’ અનુસાર, ૩૦ ઓક્ટોબરે ગુંબજ પર ધ્વજ ફરકાવ્યા બાદ શરદ અને રામકુમાર બે નવેમ્બરે વિનય કટિયારના નેતૃત્વમાં દિગંબર અખાડાથી હનુમાનગઢી તરફ જઈ રહ્યા હતા. ત્યારબાદ પોલીસ ગોળીબારથી બચવા બંને ભાઈઓ લાલ કોઠી શેરીમાં એક મકાનમાં છુપાઈ ગયા હતા.થોડા સમય પછી જ્યારે તેઓ બહાર આવ્યા ત્યારે પોલીસની ગોળીઓ તેમના શરીર પર વાગી અને બંને ભાઈઓએ અયોધ્યા શહેરમાં જ બલિદાન આપ્યું હતું. અને ૪ નવેમ્બર ૧૯૯૦ના રોજ શરદ અને રામકુમાર કોઠારીના સરયૂના ઘાટ પર અંતિમ સંસ્કાર કરવામાં આવ્યા હતા. રામ માટે બલિદાન આપનાર બંને ભાઈઓના અંતિમ સંસ્કારમાં હજારો લોકો ઉમટી પડ્યા હતા. બંને ભાઈઓ દીર્ઘાયુષ્યના નારા ગુંજી રહ્યા હતા. શરદ અને રામકુમારનો પરિવાર પેઢીઓથી કોલકાતામાં રહે છે. તેઓ મૂળ રાજસ્થાનના બિકાનેર જિલ્લાના રહેવાસી હતા. બંને ભાઈઓના અંતિમ સંસ્કારના લગભગ એક મહિના બાદ ૧૨મી ડિસેમ્બરે તેમની બહેનના લગ્ન થવાના હતા. બંને ભાઈઓએ વચન આપ્યું હતું કે તેઓ લગ્ન માટે પાછા આવશે પરંતુ તે થઈ શક્યું નહીં અને તેમના મૃત્યુના સમાચારથી ઘરમાં શોકનો માહોલ છવાઈ ગયો હતો.ત્યારે ૨૨ જાન્યુઆરીના રોજ અયોધ્યામાં રામ લલ્લા બિરાજમાન થવાના છે ત્યારે ફરી એક વખત કોઠારી ભાઈઓની યાદ તાજી થઇ છે.
