હળવદ નજીકથી કચ્છ પૂર્વના ભચાઉ SRP ગ્રુપના ડીવાયએસપી દેશી દારૂ સાથે ઝડપાયા છે. ડીવાયએસપી પીધેલી હાલતમાં કાર ચલાવીને જતા સમયે હળવદ નજીક અન્ય કાર સાથે અક્સ્માત થતાં ભાંડો ફૂટ્યો હતો. હળવદ પોલીસે ડીવાયએસપી સુરેશ સોમજીભાઈ બામનીયા (એસ.એસ.બામનીયા) વિરૂદ્ધ કાયદેસરની કાર્યવાહી હાથ ધરી છે.
મળતી માહિતી અનુસાર, હળવદના રણજીત ગઢના પાટિયા નજીક ફોટ વ્હીલ કારનો અકસ્માત થયો હતો. જે અકસ્માત થતાં કચ્છ પૂર્વના ભચાઉ SRP ગ્રુપના ડીવાયએસપી પીધેલી હાલતમાં દેશી દારૂ સાથે મળી આવ્યા હતા. એટલે કે અકસ્માત સર્જાતા ડીવાયએસપી સુરેશ સોમજીભાઇ બામનિયા નો ભાંડો ફૂટી ગયો હતો. જે બાદ હળદળ પોલીસે ક્રેટા કાર અને તેમાંથી ચાર ઇગ્લિશ દારૂની બોટલમાં ભરેલ ત્રણ લીટર દેશી દારૂ કબ્જે કરી પીધેલી હાલતમાં નીકળેલ ડીવાયએસપી ની અટકાયત કરી તેની વિરૂદ્ધ કાયદેસરની કાર્યવાહિ કરી હતી. હળવદ પોલીસે રૂપિયા ૧૨ લાખની ક્રેટા કાર અને ત્રણ લીટર દેશી દારૂ કિંમત રૂ. ૬૦૦ સાથે અટકાયત કરવામાં આવી હતી. હળવદ પોલીસે એમવી એક્ટ ૧૮૫, પ્રોહિબીશન એક્ટ કલમ ૬૬(૧),૬૫(એ)(એ) મુજબ ગુનો નોંધી કાયદેસરની કાર્યવાહી હાથ ધરી છે.
