મોરબીમાં વિદેશી દારૂની હેરાફેરી કરતા શખ્સો પકડાવવાંના બનાવો વધી રહ્યા છે. ત્યારે ગઈકાલે ટંકારા પોલીસની ટીમે બાતમીનાં આધારે નગરનાકા પાસેથી મોટરસાઇકલ પર હારવામાં આવતો વિદેશી દારૂનો જથ્થો પકડી પાડ્યો છે અને તેની સાથે ઈસમની અટકાયત કરવામાં આવી છે. જયારે અન્ય એક આરોપી ફરાર થતા તેને પકડવા ચક્રો ગતિમાન કરવામાં આવ્યા છે.
મળતી માહિતી અનુસાર, ટંકારા પોલીસની ટીમે નગરનાકા પાસેથી હિરો કંપનીના જી.જે.-૩૬-એબી-૪૨૬૦ નંબરના સ્પ્લેન્ડર પ્લસ બાઇકને રોકી સમીરભાઇ અયુબભાઇ મેસાણીયા નામના શખ્સે પોતાના ખોળામાં પ્લાસ્ટીકના બાચકામાં રાખેલ ભારતીય બનાવટની પરપ્રાંતિય ઇગ્લીશદારૂની MCDOWELLS NO-1 DELUXE WHISKY ORIGINALની કુલ રૂ.૩૦૦૦/-ની કિંમતની ૦૮ બોટલો હેર ફેર કરતા નીકળતા પકડી પાડી આરોપીની પૂછપરછ કરતા તેણે આ મુદ્દામાલ વસીમભાઇ અજીતભાઇ સાંજી (રહે-ટંકારા) પાસેથી મેળવેલ હોવાનુ જણાવેલ જેથી આરોપીને હિરો કંપનીનાં સ્પ્લેન્ડર પ્લસ મોટરસાઇકલનાં રૂ.૨૦,૦૦૦/- ગણી કુલ રૂ. ૨૩,૦૦૦/- નો મુદ્દામાલ કબ્જે કર્યો છે. તથા વસીમભાઇ અજીતભાઇ સાંજીને પકડવા ચક્રો ગતિમાન કર્યા છે.
