મોરબીના કુબેરનગરમાં રહેણાંક મકાનમાંથી વિદેશી દારૂના જથ્થા સાથે ઈસમ ઝડપાયો

મોરબી જિલ્લા એસ.પી. રાહુલ ત્રિપાઠીની સુચના તેમજ ડી.વાય.એસ.પી. પી.એ. ઝાલાના માર્ગદર્શન હેઠળ દારૂ જુગારની પ્રવૃતિ સદંતર નાબુદ કરવા તેમજ મીલ્કત સબંધી ગુન્હાઓ શોધી કાઢવા સુચના કરેલ હોય જે અન્વયે કામગીરી કરતા દરમિયાન મોરબી સીટી એ ડીવીજન પોલીસની ટીમે કુબેરનગર વિસ્તારમાં રેઈડ કરી રહેણાંક મકાનમાંથી વિદેશી દારૂના જથ્થા સાથે ઈસમની અટકાયત કરી છે.

મળતી માહિતી અનુસાર, મોરબી સીટી એ ડીવીજન પોલીસને ખાનગીરાહે હકિકત મળેલ કે, અશ્વિનભાઇ ઉર્ફે અરવીંદભાઇ રામભાઇ ચાવડા (રહે.મોરબી કુબેરનગર શેરી નં.૧) પોતાના કુબેરનગર સ્થિત રહેણાંક મકાનમા ઈગ્લીસ દારૂનો જથ્થો રાખી વેચાણ કરે છે. જે હકિકતના આધારે રેઇડ કરતા ઇસમના રહેણાંક મકાનમાથી ઇગ્લીશદારૂની રૂ.૧૭,૧૫૦/-ની કિંમતની ૪૯ બોટલનો મુદામાલ સાથે આરોપી હાજર મળી આવતા પોલીસે મુદ્દામાલ કબ્જે કરી ધોરણસરની કાર્યવાહી હાથ ધરી છે.