મોરબીનાં વેજીટેબલ રોડ પાસે રહેણાક મકાનમાંથી વિદેશી દારૂના જથ્થા સાથે ઈસમ ઝડપાયો

મોરબીમાં વીદેશી દારૂનાં જથ્થા સાથે વધું એક ઇસમની અટકાયત કરવામાં આવી છે. ઉલ્લેખનીય છે કે. ઈસમ પોતાના રહેણાક મકાનમાં બહારથી વિદેશી દારૂનો જથ્થો મંગાવી વેચાણ કરતો હોય જેને પોલિસે પકડી પાડી કાયદેસરની કાર્યવાહી હાથ ધરવામાં આવી છે.

મળતી માહિતી અનુસાર, મોરબી સીટી બી ડિવિજન પોલીસની ટીમ ગઈકાલે પેટ્રોલીંગમાં હતી ત્યારે તેઓને બાતમી મળી હતી કે, મોરબી વેજીટેબલ રોડ, પંચમુખી હનુમાન મંદીરની બાજુમા, જુસબ હબીબ જામના રહેણાક મકાન પાછળ વીદેશી દારૂનું વેચાણ કરવામાં આવે છે. જે હકીકતના આધારે પોલીસે સ્થળ પર રેઇડ કરી જુસબભાઇ હબીબભાઇ જામ (રહે- વેજીટેબલ રોડ, પંચમુખી હનુમાન મંદીરની બાજુમા મોરબી-૨) નામના શખ્સને ભારતીય બનાવટની વિદેશી દારૂની અલગ અલગ બ્રાંડની નાની મોટી કુલ ૮૦ બોટલોનાં રૂ.૨૬,૨૨૦/- નાં મુદામાલ સાથે પકડી પાડી કાયદેસરની કાર્યવાહી હાથ ધરી છે.