હળવદનાં દિઘડીયા ગામે જુગાર રમતા પાંચ જુગારીઓ ઝડપાયા

હળવદમાં જુગારીઓ પકડાવવાનો સિલસિલો યથાવત રહ્યો છે. ગઈકાલે હળવદ પોલીસની ટીમે દિઘડીયા ગામેથી પાંચ જુગારીઓને જુગાર રમતા પકડી પાડી તેમનાં વિરુધ્ધ જુગારધારા કલમ-૧૨ મુજબ ગુન્હો દાખલ કરવામાં આવ્યો છે.

મળતી માહિતી અનુસાર, હળવદ પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, દિઘડીયા ગામે દિલિપભાઇ વાલજીભાઇ ઇટોદરાનાં રહેણાંક મકાનની બાજુમા આવેલ શેરીમા અમુક ઈસમો જાહેરમા ગંજી પત્તાના પાના તથા પૈસા વતી હાર જીતનો તીન પત્તીનો જુગાર રમી રહ્યા છે. જે હકીકતના આધારે પોલીસે સ્થળ પર રેઈડ કરી દિલિપભાઇ વાલજીભાઇ ઇટોદરા, નવઘણભાઇ ચંદુભાઇ કુંઢીયા, હકાભાઇ ઉર્ફે કેડો ભાવુભાઇ રાપુસા, મુકેશભાઇ ઉર્ફે મહેશ બાબુભાઇ ઇટોદરા તથા મેહુલભાઇ રઘાભાઇ કાંજીયા નામના ઈસમોને કુલ રોકડા રૂ.૨૪૬૦/-ના મુદામાલ સાથે પકડી પાડી કાયદેસરની કાર્યવાહી હાથ ધરી છે.