રાજકોટ રેન્જ આઈજી અશોકકુમાર યાદવ તથા મોરબી જિલ્લા એસ.પી. રાહુલ ત્રિપાઠી તરફથી જિલ્લામાં પ્રોહીબીશન તથા જુગારની બદી સદંતર નાબુદ થાય તે સારૂ વધુમાં વધુ દારૂ-જુગારના કેસો શોધી કાઢવા સુચના થઈ આવેલ હોય જે અન્વયે કામગીરી કરતા દરમિયાન વાંકાનેર તાલુકા પોલીસ ટીમ દ્વારા વાંકાનેર તાલુકાના કોટડા નાયાણી ગામે સ્ટ્રીટ લાઇટના અંજવાળે શેરીમા જાહેરમાં જુગાર રમતા પાંચ ઇસમોને પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, વાંકાનેર તાલુકા પોલીસ ટીમને મળેલ ચોક્કસ હકીકતનાં આધારે વાંકાનેર તાલુકાના કોટડા નાયાણી ગામે અક્ષર મોલ-દુકાન વાળી શેરીમા ચોક પાસે સ્ટ્રીટ લાઇટના અંજવાળે જાહેરમાં ગંજીપતાના પાના તથા પૈસા વતી જુગાર રમતા ઇસમો ઉપર રેઇડ કરી કુલ રોકડ રૂ.૧૧,૩૯૦/- ના મુદ્દામાલ સાથે અમજાનભાઇ ઉર્ફે પીન્ટુભાઇ સમા, ઉમરભાઇ આદમભાઇ ચાનીયા, ઇમ્તીયાજભાઈ જુસબભાઈ સુમરા, ગીરીરાજસિંહ શક્તિસિંહ જાડેજા તથા અનવરભાઇ હાજીભાઈ સુમરાને પકડી પાડી ઇસમો વિરૂધ્ધ જુગારધારા મુજબનો ગુન્હો રજીસ્ટર કરવામાં આવ્યો છે.
