હર્ષદ તેમજ બેટ દ્વારકા ખાતે ડિમોલિશન સાઈટ પર કરાયું ધ્વજવંદન : કાળુભા અને સામિયાની ટાપુ પર પણ તિરંગો લહેરાયો

૧૫ ઓગસ્ટ સ્વતંત્રતા દિવસ અને આઝાદીની ખુશીના પ્રસંગે ૧૩ ઓગસ્ટથી ૧૫ ઓગસ્ટની વચ્ચે હરઘર તિરંગા અભિયાન ચલાવવામાં આવી રહ્યું છે. ત્યારે આજે દેશભરમાં સ્વાતંત્ર્ય પર્વની ધામધૂમથી ઉજવણી કરવામાં આવી રહી છે. ત્યારે દેવભૂમિ દ્વારકા જિલ્લામાં પોલીસ તંત્ર દ્વારા અનોખી ઉજવણી કરવામાં આવી હતી.જેમાં પોલીસ તંત્ર દ્વારા બેટ દ્વારકાના હર્ષદ ખાતે જઈ ડિમોલિશન ખાતે ધ્વજવંદન કરવામાં આવ્યું હતું. જ્યાં શિવ મંદિરનાં પૂજારી દ્વારા ધ્વજવંદન કરવામાં આવ્યું હતું. તેમજ દ્વારકા નજીક આવેલા કાળુભા અને સામિયાની ટાપુ ઉપર પર આજે ધ્વજવંદન કાર્યક્રમનું આયોજન કરવામાં આવ્યું હતું. આ તકે દેશની આઝાદી વખતે જેને લડત આપી એવા સ્વાતંત્ર્ય સેનાનીઓને યાદ કરાયા હતા. જેને દેશ માટે શહીદી વ્હોરી એવા શહીદવીરોને યાદ કર્યા હતા.