મોરબીમાં પ્રોહિબિશન તથા જુગારના ગુન્હાઓ પકડવા પોલીસ તંત્ર દ્વારા કડકમાં કડક કાર્યવાહી કરવામાં આવી રહી છે. ત્યારે ગઈકાલે વધુ બે સ્થળોએથી દારૂ તથા બિયરનો જથ્થો મળી આવતા પોલીસે બે આરોપીઓની અટકાયત કરી છે.
પ્રથમ દરોડામાં, મોરબી સીટી એ ડિવીઝન પોલીસની ટીમે પેટ્રોલિંગ દરમિયાન શંકાના આધારે નવલખી રોડ ન્યુ રેલ્વે કોલોની પાસે જીગ્નેશભાઈ રૈયાભાઈ ટોટા (રહે ન્યુ રેલ્વે કોલોની પાસે નવલખી રોડ મોરબી) નામના શખ્સને રોકી તેની પૂછપરછ કરતા શંકા સંતોષકારક જવાબ ન મળતા આરોપીની તપાસ કરવામાં આવી હતી. ત્યારે આરોપી પાસેથી ભારતીય બનાવટની વિદેશી દારૂની ડીસ્કાઉન્ટ પ્રીમીયમ વ્હીસ્કીની રૂ.૧૫૦૦ની કિંમતની ૦૫ બોટલો મળી આવતા પોલીસે આરોપીની અટકાયત કરી કાયદેસરની કાર્યવાહી હાથ ધરી છે.
બીજા દરોડામાં, મોરબી સીટી બી ડિવિઝન પોલીસની ટીમે બાતમીનાં આધારે નવલખી રોડ રણછોડનગર થી નીલકંઠ સોસાયટી તરફ જવાના રસ્તે વોચ ગોઠવી રાખી અજયભાઇ ચતુરભાઇ ધંધુકીયા (રહે.નવલખી રોડ લાયન્સનગર વાસ્તુ પેલેસ એપાર્ટમેન્ટવાળી શેરીમાં મોરબી મુળરહે.મોટા દહીંસરા તા.માળીયા(મીં)) નામના શખ્સને પકડી પાડ્યો હતો અને આરોપી પાસેથી માઉન્ટસ્ 6000 સુપર સ્ટ્રોંગ બીયરનાં રૂ.૪૦૦ની કિંમતના ૦૪ ટીન કબ્જે કરવામાં આવ્યા હતા. અને આરોપીની અટકાયત કરવામાં આવી હતી.
