મોરબી તાલુકાના કેરાળા (હરીપર) ગામના સ્મશાન સામે વાડામાંથી વિદેશી દારૂ ઝડપાયો

મોરબી તાલુકાના કેરાળા (હરીપર) ગામના સ્મશાન સામે આવેલ વાડામાંથી વિદેશી દારૂનો જંગી જથ્થો ઝડપાયો હતો. અને સ્થળ પરથી બે ઈસમોની મોરબી તાલુકા પોલીસ દ્વારા અટકાયત કરવામાં આવી હતી.

મળતી માહિતી અનુસાર, મોરબી તાલુકાના કેરાળા (હરીપર) ગામના સ્મશાન સામે પરબતભાઇ જીવાભાઇ ટોટા (ભરવાડ) અને રાજેશ ઉર્ફે રાજુ મમુભાઇ અખીયાણીએ પરબત ભાઈનાં કબ્જા ભોગવટાવાળા વાડામાં ગેરકાયદેસર પાસ પરમીટ કે આધાર વગર અલગ અલગ બ્રાન્ડની ભારતીય બનાવટની 22 પેટી એટલે કે, 264 બોટલનો રૂ.1,57,080 /- નો મુદ્દામાલ વેંચાણ કરવાના ઇરાદે રાખેલ હોય જેના પર મોરબી તાલુકા પોલીસે બાતમીના આધારે રેઇડ કરી મુદ્દામાલ કબ્જે કરી આરોપીઓની પોલીસ દ્વારા અટકાયત કરવામાં આવી છે.