ટંકારામાંથી ૯ બોટલ અંગ્રેજી દારૂ અને વાંકાનેરના જુનાઢુવામા એક બોટલ દારૂ ઝડપાયો

ટંકારામાં એશિયન કારખાના પાછળની ખરાબાની જગ્યામાંથી ૯ બોટલ અંગ્રેજી દારૂ ઝડપાયો હતો. અહીં દારૂ છુપાવનાર શખસને સામે પોલીસે ગુનો નોંધી ઝડપી લેવા તજવીજ હાથ ધરી છે. તેમજ વાંકાનેરથી ૧૩ કિ. મી. દુર જુનાઢુવા ગામે રહેણાક મકાનમાંથી એક બોટલ અંગ્રેજી દારૂ ઝડપાતા એક શખસની ધરપકડ કરી દારૂ આપનાર શખસને ઝડપી લેવા પોલીસે તપાસ હાથ ધરી છે.

ટંકારામાં એશિયન કારખાનાની પાછળથી પોલીસે ૯ બોટલ દારૂ ઝડપી લીધો હતો આ દારૂ જયદિપસિંહ ઉર્ફે રાજો મહેન્દ્રસિંહ ( રહે શનાળા વાળો) એ અહીં રાખ્યો હોય પોલીસે તેના સામે ગુનો નોંધી ધરપકડ કરવા તપાસ હાથ ધરી છે.

વાંકાનેરના જુનાઢુવામા ગામે રહેણાક મકાનમાં એક બોટલ દારૂ સાથે જયદિપ હરેશભાઈ અસવાર ( ઉ. વ. ૨૩)ની ધરપકડ કરી દારૂ આપનાર મોહબતસિહ ચૌહાણને ઝડપી લેવા તજવીજ હાથ ધરી હતી.