મોરબીનાં નવલખી રોડ પરથી જુગાર રમતા ત્રણ મહિલા સહીત ચાર ઝડપાયા

મોરબીનાં  નવલખી રોડ યમુનાનગર શેરી નં-૩ શેરીમાં જાહેરમાં જુગાર રમતા ઈસમો પર મોરબી સીટી બી ડિવિઝન પોલીસે રેઈડ કરી જુગાર રમાતી ત્રણ મહિલાઓ સહીત ચાર ઈસમોની અટકાયત કરી હતી. અને તમામ વૃધ્ધ મોરબી સીટી બી ડિવિઝન પોલીસે ગુન્હો જુગારધારા કલમ ૧૨ મુજબ ગુન્હો નોંધી કાયદેસરની કાર્યવાહી હાથ ધરી હતી.

મળતી માહિતી અનુસાર,  મોરબી સીટી બી ડિવિઝન પોલીસે બાતમીનાં આધારે નવલખી રોડ યમુનાનગર શેરી નં-૩ ખાતે રેઈડ કરી જાહેરમાં ગંજીપતાના પાના વડે પૈસાની હારજીતનો તીનપતી રોન પોલીશનો જુગાર રમતા અશ્વીનસિંહ દોલુભા ઝાલા, જયશ્રીબેન દિલીપભાઇ સારલા, રંજનબેન મનસુખભાઇ  સારલા તથા વનીતાબેન ભરતભાઇ સારલાને પકડી પાડી તેમની પાસેથી રોકડા રૂપીયા-૨૦૫૦/-નો મુદ્દામાલ કબ્જે કરવામાં આવ્યો હતો.