મોરબી સીટી બી ડિવિઝન પોલીસ ટીમ દ્વારા મોરબી-૨ માં કાવેરી સીરામીક પાછળના ભાગમાં આવેલ શક્તિનગર સોસાયટીમાં બાતમીને આધારે દરોડો પાડતા જાહેર શેરીમાં જુગાર રમી રહેલા ચાર ઇસમોને પકડી લેવામાં આવ્યા છે.
મળતી માહિતી અનુસાર મોરબી બી ડિવિઝન પોલીસની સર્વેલન્સ ટીમ સામાકાંઠા વિસ્તારમાં પેટ્રોલિંગમાં હોય તે દરમિયાન ખાનગીરાહે મળેલ બાતમીને આધારે કાવેરી સીરામીક પાછળ આવેલ શક્તિનગર સોસાયટીની શેરીમાં રેઇડ કરતા જાહેરમાં ગંજીપત્તાના પાના વડે તીનપત્તીનો જુગાર રમી રહેલા પરસોતમભાઇ હમીરભાઇ શેખા ઉવ.૨૫ રહે. શક્તિનગર કાવેરી સીરામીક પાછળ મોરબી-ર, હાજીભાઇ ઉમરભાઇ જામ ઉવ.૪૪ રહે. કાંતીનગર માળીયા ફાટક પાસે મોરબી-૨, અકબરભાઇ દાઉદભાઇ ચનાણી ઉવ.૩૩ રહે.કાંતીનગર માળીયા ફાટક પાસે મોરબી-૨ તથા જયંતીભાઇ દેવજીભાઇ શ્રીમાળી ઉવ.૪૫ રહે. શક્તિનગર કાવેરી સીરામીક પાછળ મોરબી-૨ વાળાને રોકડા રૂ.૧૨,૨૭૦/-સાથે ઝડપી લઇ તમામ વિરુદ્ધ બી ડિવિઝન પોલીસ મથકમાં જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.
