મોરબીની શિવમ હોસ્પિટલથી જુના ધુંટુ રોડ જવાના રોડ આવેલ દુકાને મોરબી સીટી બી ડિવિઝન પોલીસની ટીમે રેઈડ કરી જાહેરમાં જુગાર રમતા ૦૪ શકુનિઓને પકડી પાડવામાં આવ્યા છે. અને તમને વિરુદ્ધ જુગારધારા કલમ ૧૨ મુજબ ગુન્હો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી સીટી બી ડિવિઝન પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, હોસ્પિટલથી જુના ધુંટુ રોડ જવાના રોડ ઊપર બેઠાપુલ હનુમાન ડેરી પાસે આવેલ દુકાને અમુક ઈસમો જાહેરમાં ગંજીપતાના પાના પૈસા વતી તીનપતીનો નશીબ આધારીત હારજીતનો જુગાર રમી રહ્યા છે. જે હકીકતના આધારે પોલીસે સ્થળ પર રેઈડ કરી સંજયભાઇ જગજીવનભાઇ કૈલા, જીગ્નેશભાઇ જેરાજભાઇ મારવાણીયા, ગીરીશભાઇ નાનજીભાઇ ભોરણીયા તથા ચંદુભાઇ વલ્લભભાઇ મણવર નામના શખ્સોને રોકડા રૂ.૨૨,૬૮૦/-ના મુદ્દામાલ સાથે સ્થળ પરથી પકડી પાડી કાયદેસરની કાર્યવાહી હાથ ધરી છે.
