રણછોડદાસજી બાપુ ચેરીટેબલ હોસ્પિટલ-રાજકોટ, જલારામ ધામ-મોરબી અને આંતરરાષ્ટ્રીય હિન્દુ પરિષદનું સંયુક્ત આયોજન.
મોરબીના શ્રી જલારામ ધામ ખાતે આવતા શનિવારે, તા. ૪ ઓક્ટોબરના રોજ સવારે ૯ થી ૧૨ કલાક દરમિયાન વિનામૂલ્યે નેત્રમણી-નેત્રયજ્ઞ કેમ્પ યોજાશે. આ કેમ્પમાં આંખની તપાસ સાથે અદ્યતન ટેકનોલોજીથી સફળ ઓપરેશનો સંપૂર્ણ મફતમાં કરવામાં આવશે. અત્યાર સુધી યોજાયેલા ૪૮ કેમ્પોમાં કુલ ૧૩,૬૯૫ લોકોને લાભ મળ્યો છે અને ૬,૨૧૪ લોકોના મફત ઓપરેશન થયા છે.
શ્રી રણછોડદાસજી બાપુ ચેરીટેબલ હોસ્પિટલ, રાજકોટ- જે સમગ્ર ગુજરાતમાં આંખની નંબર ૧ હોસ્પિટલ ગણાય છે- તે શ્રી જલારામ ધામ, મોરબી તથા આંતરરાષ્ટ્રીય હિન્દુ પરિષદ સાથે મળી દર મહિનાની ૪ તારીખે સર્વજ્ઞાતીય વિનામૂલ્યે નેત્રમણી-નેત્રયજ્ઞ કેમ્પનું આયોજન કરે છે. આ અંતર્ગત આગામી ૪ ઓક્ટોબરને શનિવારે સવારે ૯ થી ૧૨ વાગ્યા દરમિયાન મોરબીના અયોધ્યાપુરી રોડ પર આવેલા શ્રી જલારામ ધામ ખાતે કેમ્પ યોજાશે. આ કેમ્પ તરશીભાઈ હરખાભાઈ દેત્રોજા પરિવારના સહયોગથી યોજાઈ રહ્યો છે. કેમ્પ દરમ્યાન ડો. બળવંતભાઈ, ડો. સુદામા, હેમુભાઈ પરમાર અને નિલેશભાઈ રાઠોડ જેવા નિષ્ણાત ડૉક્ટરો દર્દીઓની તપાસ કરશે. ઉપરાંત, અદ્યતન ફેકો મશીન દ્વારા ટાંકા વગરનાં, ઉત્તમ ગુણવત્તાવાળા સોફ્ટ ફોલ્ડેબલ લેન્સ સાથેના નેત્રમણી ઓપરેશનો મફતમાં કરવામાં આવશે.
દર્દીઓ માટે ઓપરેશનની સાથે રાજકોટ જવા-આવવાની વ્યવસ્થા, રહેવા-જમવાની સુવિધા, ચા-પાણી, નાસ્તો, ચશ્મા અને ટીપાં વગેરેની સંપૂર્ણ સુવિધા સંસ્થા તરફથી વિનામૂલ્યે ઉપલબ્ધ કરાવવામાં આવશે. કેમ્પમાં લાભ લેવા માટે કોઈપણ એડવાન્સ બુકિંગ જરૂરી નથી, પરંતુ તપાસ માટે આધાર કાર્ડ લાવવું અનિવાર્ય છે. અત્યાર સુધી કુલ ૪૮ કેમ્પ યોજાયા જેમાં ૧૩,૬૯૫ લોકોએ કેમ્પનો લાભ લીધો હતો અને ૬,૨૧૪ દર્દીઓના વિનામૂલ્યે સફળ નેત્રમણી ઓપરેશન થયા છે. આગામી કેમ્પનો લાભ લેવા ઇચ્છુકે વધુ માહિતી માટે ગીરીશભાઈ ઘેલાણી- ૯૮૨૫૦૮૨૪૬૮, નિર્મિતભાઈ કક્કડ-૯૯૯૮૮૮૦૫૮૮, હરીશભાઈ રાજા ૯૮૭૯૨૧૮૪૧૫ તથા અનિલભાઈ સોમૈયા- ૮૫૧૧૦૬૦૦૬૬ ના મોબાઇલ નંબર ઉપર સંપર્ક કરવા યાદીમાં જણાવવામાં આવ્યું છે.
