મોરબીનાં કસ્તુરી ટ્વિન-બી એપાર્ટમેન્ટમાં ગણેશ મહોત્સવની ઉજવણી:બાળાઓએ નવદુર્ગા સ્વરૂપમાં કરી આરાધના

મોરબી શહેરમાં ગણેશ ચતુર્થીની ઉજવણી આ વર્ષે ખૂબ જ ધામધૂમથી થઈ રહી છે. ઠેર-ઠેર પંડાલોમાં ગણેશજીનું સ્થાપન કરવામાં આવ્યું છે. ત્યારે રવાપર ઘુનડા રોડ પર આવેલ ટ્વિન-બી એપાર્ટમેન્ટમાં નાની અને મોટી બાળાઓએ નવદુર્ગા સ્વરૂપે ગણેશજીની સ્થાપના આરતી કરી હતી.

મોરબીના રવાપર ઘુનડા રોડ પર આવેલ સિદ્ધિ વિનાયક પાર્કની અંદર આવેલ કસ્તુરી ટ્વિન-બી એપાર્ટમેન્ટમાં ગણેશ ઉત્સવની ધામધૂમથી ઉજવણી કરવામાં આવી રહી છે. જે દરમિયાન આજરોજ નાની અને મોટી બાળાઓએ નવદુર્ગા સ્વરૂપે અલગ અલગ માતાજીનું સ્વરૂપ ધારણ કર્યું હતું અને ગણપતિ બાપાની આરતી કરી હતી. જેનાં લીધે જાણે માં નવદુર્ગા સાક્ષાત ગણપતિ બાપાની આરતી કરવા આવ્યા હોય તેવા દ્રશ્યો સર્જાયા હતા