મોરબીની યુવતીની એક યુવક સાથે પ્રેમ સંબંધ હોય જે બાબતે ખાર રાખી ઈસમોએ યુવતીની બહેન તથા તેના કાકા પર ઈસમોએ ઘાતકી હુમલો કર્યો હતો. જેમાં બંને ગંભીર ઈજાગ્રસ્ત થતા તેઓને સારવારમાં ખસેડી સમગ્ર મામલે મોરબી સીટી એ ડિવીઝન પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, મોરબીનાં વાવડી રોડ, ક્રીષ્નાપાર્ક સોસાયટી, દરગાહની સામેની શેરીમાં રહેતા શકીલભાઈ સબીરભાઈ બ્લોચની ભત્રીજી શાયના તથા આદીલના પ્રેમ સંબધ બાબતે નીજામભાઈ નુરૂભાઈ મકરાણીએ ફરિયાદી શકીલભાઈને ગાળો આપી મહંમદ નુરૂભાઈ મકરાણી તથા આદીલ અબ્દુલભાઈ સાથે મળી ઢિકાપાટુનો મુંઢમાર મારી ધારીયા વડે એક ઘા મોંઢાના જમણા ગાલ ઉપર મારી ગંભીર ઇજા કરી તથા ફરિયાદીની ભત્રીજી મદિનાને લોંખડના પાઇપ વતી બંન્ને પગમા મુંઢ ઇજાઓ પહોંચાડતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવવામાં આવી છે.
