રાજ્યપાલ આચાર્ય દેવવ્રતજીએ સ્વામી દયાનંદ સરસ્વતીના જીવન પર આધારિત બાળપણની ફિલ્મ નિહાળી

ટંકારા ખાતે મહર્ષિ દયાનંદ સરસ્વતીજીની ૨૦૦ મી જન્મ જયંતીની ધામધુમ પુર્વક ઉજવણી થઈ રહી છે. ત્યારે રાજ્યના રાજ્યપાલ આચાર્ય દેવવ્રતજીએ ત્રણેય દિવસ ટંકારા ખાતે ઉપસ્થિત રહેવાના છે. ત્યારે આજરોજ સ્વામી દયાનંદ સરસ્વતીના જીવન કવન તેમજ બાળપણના પ્રસંગો પર આધારિત ફિલ્મ નિહાળી હતી.

ટંકારા ખાતે મહર્ષિ દયાનંદ સરસ્વતીજીની ૨૦૦ મી જન્મજયંતી નિમિતે જ્ઞાન જ્યોતિ પર્વ ત્રણ દિવસીય કાર્યક્રમનું આયોજન કરાયું છે. ત્યારે મહર્ષિ દયાનદ સરસ્વતીજીના સ્મરણોત્સવમાં વિચાર નિર્માણ ફાઉન્ડેશન હેઠળ સ્વામી દયાનંદ સરસ્વતીના બાળપણના પ્રસંગો પર આધારિત બાળકો, યુવાનો તેમજ વડીલો માટે પ્રેરણાદાયી ફિલ્મ પ્રદર્શન કરવામાં આવી રહી છે. તેમના જીવન કવન પર બનેલી ફિલ્મના અલગ અલગ ભાગ બતાવવામાં આવી રહ્યા છે.  રાજ્યપાલે રસપૂર્વક આ ફિલ્મ નિહાળીને આનંદ વ્યક્ત કર્યો હતો.