બિહાર વિધાનસભા ચૂંટણીનું બ્યુગલ વાગી ચૂક્યું છે. તમામ પક્ષો મેદાનમાં છે અને આરોપ-પ્રત્યારોપનો દોર પણ ચાલુ છે. ચૂંટણી રેલીઓ પણ શરૂ થઈ ગઈ છે. ત્યારે ગુજરાત પ્રદેશ યુવા ભાજપનાં કારોબારી સદસ્ય મોરબીનાં રુચિરભાઈ કારીયાને બિહાર ચુંટણીમાં જવાબદારી સોંપાઈ છે.
હાલ બિહારમાં વિધાનસભાની સામાન્ય ચૂંટણી યોજાવાની છે. ત્યારે સમગ્ર દેશમાંથી ભારતીય જનતા પાર્ટીનાં હોદેદારો બિહારનાં પ્રવાસે છે. ભાજપના રાષ્ટ્રીય પ્રમુખ જે.પી.નડ્ડા તથા ગુજરાતનાં પૂર્વ પ્રદેશ અધ્યક્ષ અને હાલ ભારતનાં કેન્દ્રીય જળ શક્તિ મંત્રી સી.આર.પાટીલ સહીતનાં સૌ ભારતીય જનતા પાર્ટીનાં કાર્યકર્તાઓ બિહાર ચુંટણીમાં ક્યાંકને ક્યાંક જવાબદારી આપવામાં આવી છે. હાલ બિહારમાં ગુજરાત પ્રદેશ ભાજપનાં પૂર્વ સંગઠન મહામંત્રી ભીખુભાઈ દલસાણીયા બિહારનાં સંગઠન મહામંત્રી છે. ત્યારે મોરબી લોહાણા સમાજનાં યુવા અગ્રણી અને ગુજરાત પ્રદેશ યુવા ભાજપનાં કારોબારી સદસ્ય રુચિરભાઈ કારીયાને પણ બિહાર વિધાનસભાની ચૂંટણીમાં જવાબદારી મળતા હાલ રુચિરભાઈ કારીયા બિહારનાં પટના ખાતે પ્રદેશ કાર્યાલય પર બિહાર પ્રદેશ યુવા મોરચાના પદાધિકારીઓની સાથે સંગઠનાત્મક કાર્યમાં જવાબદારી મળી છે.
