ટંકારા તાલુકાના હરબટીયાળી ગામે શ્રી સ્વામિનારાયણ હાઇસ્કુલ ના પ્રિન્સીપાલ સહિત ત્રણ ઈસમોએ ૧૪ વર્ષીય કિશોર વિદ્યાર્થીને મોટર સાયકલ ચલાવવા બાબતે ઠપકો આપી ઢોર માર મારતા કિશોરનાં પિતા દ્વારા ટંકારા પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, ટંકારા તાલુકાના હરબટીયાળી ગામમાં આવેલ શ્રી સ્વામિનારાયણ હાઇસ્કુલ પાસે ગણેશભાઇ ડુંગરભાઇ નમેરા, ટંકારાનાં હરીપર(ભુ) ગામે રહેતા નવનિતભાઇ મણિલાલ ચાવડાના ૧૪ વર્ષીય દીકરાને મોટર સાયકલ ચલાવવા બાબતે ઠપકો આપી ગાલના ભાગે જાપટ તથા પગે પાટા મારી મુઢ માર માર્યો હતો. તેમજ શ્રી સ્વામિનારાયણ હાઇસ્કુલના પ્રિન્સીપાલ આર.જે.મુછારાએ પણ કિશોરને ધમકાવ્યો હતો. તેમજ હસમુખભાઇ નમેરા નામના ઈસમે ભોગ બનનાર કિશોરના ફરીયાદી પિતા સાથે બોલાચાલી કરી ગાળો આપી જાતિ પ્રત્યે અપશબ્દ બોલી હડધુત કરતા સમગ્ર મામલે ટંકારા પોલીસ સ્ટેશનમાં ફરિયાદ નોંધાઈ છે.
