‘સ્વચ્છતા તંદુરસ્તીનો પાયો’ :મોરબીમાં બહેનોને સ્વચ્છતા અંગે તાલીમ અપાઇ

આઝાદી કા અમૃત મહોત્સવ અંતર્ગત ૨ થી ૩૧ ઓક્ટોબર સુધી સ્વચ્છતા અભિયાન નિમિત્તે કૃષિ વિજ્ઞાન કેન્દ્ર મોરબી, જૂનાગઢ કૃષિ યુનિવર્સિટી અને આત્મા પ્રોજેક્ટના સંયુક્ત ઉપક્રમે કૃષિ વિજ્ઞાન કેન્દ્ર મોરબી ખાતે બહેનોની તાલીમનું આયોજન કરવામાં આવ્યું હતું.

આ તાલીમ વર્કશોપ કાર્યક્રમ અંતર્ગત મારું ઘર સ્વચ્છ તો ગામ સ્વચ્છ, ગામ સ્વચ્છ તો મેરા ભારત સ્વચ્છ આધારિત બહેનોને આ કેન્દ્રમાં ફરજ બજાવતા હેતલબેન મણવર દ્વારા માર્ગદર્શન પૂરું પાડવામાં આવ્યું હતું. તાલીમાર્થી બહેનોને સ્વચ્છતા અંગે વાકેફ કરીને સ્વચ્છતા તંદુરસ્તીનો પાયો તેમજ પોષણ વ્યવસ્થાની અગત્યતા ઉપર માર્ગદર્શન આપવામાં આવ્યું હતું.આ પ્રસંગે બહેનોને ગામના કચરામાંથી અળસિયાનું ખાતર કઈ રીતે બનાવવુ તે ઉપરાંત ગાયના છાણ અને ગૌમુત્રમાંથી જીવામૃત બનાવવા વિશે પ્રત્યક્ષ માર્ગદર્શન આપવામાં આવ્યું હતું.