હળવદમાં જુના ઝઘડાનું વેર વાળવા યુવાન પર છરી વડે હુમલો કરાયો

હળવદના લક્ષ્મીનારાયણ ચોકમાં અગાઉના ઝઘડાનું વેર વાળવા આરોપીએ યુવાનને ફડાકા ઝીંકી છરી વડે હુમલો કર્યાની પોલીસ ફરિયાદ નોંધાઈ છે જે ને પગલે પોલીસે આરોપીને દબોચી લેવા તજવીજ હાથ ધરી છે.

હળવદના લક્ષ્મીનારાયણ ચોકમાં આવેલ પાણીની પરબ પાસે દેવર્સી હિતેશભાઇ રાવલ રહે. દરબાર નાકે, હળવદવાળાએ જૂના ઝઘડાનો ખાર રાખી હળવદના કણબીપરા મોરબી દરવાજા બહાર રહેતા યશ ઉર્ફે ગૌતમભાઇ જયંતીભાઇ ગોઠી (ઉ.વ.૧૮)ને બે ત્રણ લાફા ઝીંકી ઝઘડો કર્યો હતો. આ ઉપરાંત બેફામ વાણી વિલાસ કરતા ફરિયાદીએ ના પડતા આરોપીએ પિત્તો ગુમાવ્યો હતો અને નેફામાંથી છરી કાઢી યશને ગળાના નિચેના ભાગે ઘા માર્યો હતો. આ બનાવને પગલે યશે હળવદ પોલીસમા ફરિયાદ નોંધાવતા પોલીસે આરોપીને પકડી પાડવા સહિતની કર્યાવહી હાથ ધરી છે.