હળવદમાં વર્લી ફીચરનો જુગાર રમાડતો શખ્સ ઝબ્બે

મોરબીમાં દારૂ જુગારના હાટડાઓ ઉપર તૂટી પડવાની ઉચ્ચ અધિકારીઓની સૂચના અન્વયે હળવદ પોલીસે હળવદ બસ સ્ટેંડ પાસે જાહેરમાં વર્લી ફીચરનો જુગાર રમતો અને રમાડતા શખ્સને ઝડપી પાડ્યો છે.

બનાવ અંગેની મળતી માહિતી અનુસાર, હળવદ પોલીસનો સ્ટાફ પેટ્રોલિંગમાં હતો. ત્યારે તેઓને બાતમી મળેલ કે, હળવદ બસ સ્ટેંડ પાસે જાહેરમાં કીરણ ઉર્ફે બાદશાહ હરીભાઇ મકવાણા નામનો 23 વર્ષીય યુવક વર્લી ફીચરનો આંકડા આધારિત જુગાર રમી અને રમાડી રહ્યો છે. જે હકીકતના આધારે હળવદ પોલીસે રેડ કરતા સ્થળ પરથી આરોપી ઝડપાયો હતો. જેની પાસેથી વરલી ફિચરનાં આંકડા લખેલ એક ચિઠ્ઠિ સહીત કુલ રૂ.૯,૫૦૦/- નો મુદ્દામાલ પોલીસે કબ્જે કરી આગળની કાર્યવાહી હાથ ધરી છે.