મોરબીમાં મહિલા પાસે બીભત્સ માંગ કરી મારી નાખવાની ધમકી દેતાં ઈસમ વિરુધ્ધ નોંધાયો ગુન્હો

મોરબીમાં મહિલા પોતાના ખેતરેથી એકલા પરત આવતા હતા ત્યારે ફડસર ગામના સ્મશાન પાસે ઈસમે એકલતાનો લાભ લઇ, બાવડુ પકડી બિભત્સ માંગણી કરી ફડાકો મારી જાનથી મારી નાખવાની ધમકી આપી અને તેની સાથે બદકામ કરવાના ઇરાદાથી છેડતી કરતા તેના વિરૂદ્ધ ગુન્હો દાખલ કરાયો છે.

મળતી માહિતી અનુસાર, મોરબી તાલુકાના ગ્રામ્ય પંથકમાં રહેતા ફરીયાદી મહિલા ગત ૨૫/૧૦/૨૦૨૩ સવારના સાડા નવેક વાગ્યા આસપાસ પોતાના ખેતરેથી એકલા પરત આવતા હતા.ત્યારે રસ્તામાં લાખાભાઇ મેરામભાઇ બાળા નામના ઈસમે એકલતાનો લાભ લઇ, બાવડુ પકડી તેની પાસે બિભત્સ માંગણી કરી ગાળો આપી ફડાકો મારી જાનથી મારી નાખવાની ધમકી આપી અને તેની સાથે બદકામ કરવાના ઇરાદાથી છેડતી કરતા તેના વિરૂદ્ધ મોરબી તાલુકા પોલીસ સ્ટેશન ખાતે ગુન્હો દાખલ કરાયો છે.