મોરબીમાં રેલ્વેના પાટા પાસે કુદરતી હાજતે ગયેલ યુવકનું ટ્રેન હડફેટે આવી જતા મોત

મોરબીમાં ટ્રેન હડફેટે વધુ એક યુવકનું જીવ હોમાયું છે. જેમાં કોરલ ગ્રેનાઇટો કારખાના સામે રેલ્વેના પાટા નજીક કુદરતી હાજતે ગયેલ યુવકનું ટ્રેન હડફેટે આવી જતા મોત નીપજ્યું છે.

મળતી માહિતી અનુસાર, મોરબીના કોરલ ગ્રેનાઇટો કારખાનાના લેબર ક્વાટ્રસ લાલપર ગામની સીમમાં રહેતો સુબાસભાઇ શીબાભાઇ બાધ નામનો યુવક ગઈકાલે સાંજના સમયે કોરલ ગ્રેનાઇટો કારખાના સામે રેલ્વેના પાટા પાસે કુદરતી હાજતે ગયો હતો. ત્યારે અક્સ્માતે ટ્રેન હડફેટે આવી જતા તેનું મોત નીપજ્યું હતું. જે બનાવને લઈ સ્થાનિકોએ મોરબી તાલુકા પોલીસને જાણ કરતા પોલીસ કાફલો ઘટનાસ્થળે પહોંચ્યો હતો અને આગળની કાર્યવાહી હાથ ધરી હતી.