મોરબીમાં પૌત્રને તોફાન ન કરવા બાબતે સમજાવવા ગયેલ વૃધ્ધને તેના જ દીકરાએ આપી મારી નાખવાની ધમકી

મોરબીમાં કપાતર દીકરાએ તેના જ પિતાને મારી નાખવાની ધમકી આપી હોવાની ઘટના સામે આવી છે. જેમાં વૃધ્ધ તેના પૌત્રને ઘરમા તોફાન ન કરવા બાબતે સમજાવા જતા ઈસમે ઉશ્કેરાઈ જઈ તેના પિતાને ગાળો ભાંડી મારી નાખવાની ધમકી આપતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, મોરબીના અરૂણોદયનગર મોટી ટાંકી પાસે ઉમા ટાઉનશીપ રોડ ખાતે રહેતા રમેશચંદ્ર દેવશંકર ચાંઉ નામના વૃધ્ધએ તેમના પૌત્રને ઘરમા તોફાન ન કરવા બાબતે સમજાવા જતા ઉદયભાઇ રમેશચંદ્ર ચાંઉએ એકદમ ઉશ્કેરાય જઇ તેના પિતાને જ ગાળો બોલી જાનથી મારી નાખવાની ધમકી આપતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાઈ છે. તેમજ સમગ્ર ફરિયાદના પગલે પોલીસે કપાતર દીકરાની અટકાયત કરી છે.