મોરબીના વાવડી રોડ શ્રીજી પાર્ક વિસ્તારમાં નાના બાળકો રમતા હોય જેને લઈ ઈસમોએ પતિ-પત્ની સાથે ઝગડો કરી લાફામારી ગાળો બોલી જાનથી મારી નાખવાની ધમકી આપતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીનાં વાવડી રોડ શ્રીજી પાર્ક ખાતે રહેતા મૂળ માળીયા(મી)નાં હિતેષભાઇ કેશવલાલ કુંડારીયાનો દિકરો શેરીમા સાયકલ ચલાવતો હોય જેથી અનીશાબેન ફીરોજભાઇ સિપાઇ (રહે.મોરબી વાવડીરોડ શ્રીજી પાર્ક)ના છોકરાઓ શેરીમા રમતા હોય જેથી છોકરાઓ રમવા બાબતે અનીશાબેને સાહેદ હેતલબેનને લાફા મારી ગાળો બોલી તેમજ અસલમ ઘાંચી (રહે.મોરબી મહેન્દ્રપરા), સુભાન જેડાનો નાનો ભાઇ (રહે.મોરબી પંચાસર રોડ) તથા એક અજાણ્યો માણસે ગાળો બોલી ફરિયાદી તથા સાહેદને જાનથી મારી નાખવાની ધમકી આપતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.
