મોરબીના પરસોતમ ચોક સતવારા બોર્ડીગ પાછળ કાલીકા પ્લોટ શેરી નં-૪ પાસે રહેણાંક મકાનની વચ્ચે દિવાલ બનાવા બાબતે યુવકની પાડોસી સાથે બોલાચાલી થઈ હોય જે બાબતનો ખાર રાખી બે ઈસમોએ બે શખ્સો પર છરી વડે હુમલો કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, મોરબીમાં પરસોતમ ચોક સતવારા બોર્ડીગ પાછળ કાલીકા પ્લોટ શેરી નં-૪ ખાતે રહેતા સંજય ઉર્ફે સલો પ્રેમજીભાઇ ચૌહાણ નામના યુવકને તેના પાડોસી સુરેશભાઇ સાથે ત્રણ ચાર મહીના પહેલા બન્નેના રહેણાંક મકાનની વચ્ચે દિવાલ બનાવા બાબતે બોલાચાલી થયેલ તે બાબતનો ખાર રાખી સુરેશભાઇ સવજીભાઇ કોળી તથા ટીનાભાઇ બાબુભાઇ કોળીએ ગેર કાયદેસર અવરોધ ઉભો કરી ફરિયાદી સંજય ઉર્ફે સલોને શેરીમા જાહેરમા રોકી સુરેશભાઇ કોળીએ તેના હાથમા રહેલ છરાના મુંઠનો ભાગ ફરીયાદીના માથાના ભાગે મારી ઇજા કરી તથા ટીનાભાઇ કોળીએ તેના હાથમા રહેલ લોખંડના પાઇપ ફરીયાદીના હાથમા મારતા ડાબા હાથના કાંડાના ભાગે ફેકચર કરી ફરિયાદી તથા સાહેદને જાહેરમા ભુંડી ગાળો બોલતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.
