મોરબીમાં આવતી તા.૨૦/૦૯/૨૦૨૨ ના રોજ ભાજપના રાષ્ટ્રીય અધ્યક્ષ જે.પી.નડ્ડા મોરબીમાં આવવાના છે અને રોડ શો યોજાવા જઇ રહ્યો છે ત્યારે મોરબી જિલ્લા ભાજપ તો તૈયારીઓમાં લાગી જ ગયું છે પરંતુ તંત્ર દ્વારા પણ રોડ પર ના ખાડા દૂર કરવા યુદ્ધના ધોરણે કામગીરી શરૂ કરી છે.
જેમાં આ રોડ શો મોરબીના મુખ્યમાર્ગો પર યોજાવાનો હોય અને મોરબીના તમામ મુખ્ય માર્ગો પર કમરના દુખાવા રુપ ખાડાનું સામ્રાજ્ય હોય ત્યારે આ રોડ શો ને ભવ્ય અને નિર્વિઘ્ન બનાવવા તંત્રની મશીનરી કામે લાગી છે જેમાં મોરબીના શનાળા રોડ ,ગાંધી ચોક, રામચોક તેમજ માર્કેટિંગ યાર્ડ પાસેના બિસમાર રસ્તાઓને તાત્કાલિક ચકા ચક કરવા તંત્રએ પોતાની મશીનરી કામે લગાડી છે અને હાલમાં યુદ્ધના ધોરણે આ કામગીરી શરૂ કરવામાં આવી છે ત્યારે મોરબીમાં આ રોડ શો માં ભાજપના રાષ્ટ્રિય અધ્યક્ષ જે પી.નડ્ડા નો કાફલો જે રોડ પર પસાર નથી થવાનો તે રોડ પર પણ ખાડા દૂર થશે કે નહીં તે સવાલ લોકોના મનમાં ઉદભવી રહ્યો છે.
