આજે ભારત તેનો 77મો સ્વાતંત્ર્ય દિવસ ઉજવી રહ્યો છે. ત્યારે આઝાદીની લડાઇમાં શહીદ થનાર મહાન ક્રાંતિકારીઓ અને નેતાઓને શ્રદ્ધાંજલિ આપવાનો તેમજ આ મહામૂલી આઝાદીનું જનત અને રક્ષણ કરવાનો દિવસ છે. ત્યારે આજે ઇન્ડિયન લાયન્સ કલબ મોરબી દ્વારા શ્રી માધાપરવાડી કુમાર/કન્યા શાળામાં ધ્વજવંદન કાર્યક્રમનું આયોજન કરવામાં આવ્યું હતું.
મળતી માહિતી અનુસાર,ઇન્ડિયન લાયોનેસ કલબ મોરબી દ્વારા 15 ઓગસ્ટ સ્વતંત્રતા દિવસની ઉજવણી શ્રી માધાપરવાડી કુમાર/કન્યા શાળામાં વિદ્યાર્થીઓ સાથે કરવામાં આવી હતી. જેમાં ધ્વજવંદન બાદ શાળાના બાળકો દ્વારા ખૂબ જ સુંદર કાર્યક્રમ રજૂ કરવામાં આવ્યો હતો. તેમજ ઇન્ડિયન લાયન્સ કલબ મોરબી દ્વારા સાંસ્કૃતિક કાર્યક્રમમા ભાગ લીધેલા 80 જેટલા બાળકોને સર્ટિફિકેટ આપવામાં આવ્યા અને વકતૃત્વ સ્પર્ધામાં નંબર મેળવેલા બાળકોને શિલ્ડ આપવામાં આવ્યાં હતા. આ તકે ક્લબ મેમ્બર્સે મોટી સંખ્યામાં હાજરી આપી પોતાની નૈતિક જવાબદારી નિભાવી હતી. તેમજ ક્લબ પ્રેસિડેન્ટ મયૂરીબેન કોટેચાએ પ્રિન્સિપાલ દિનેશભાઈ વડસોલા અને તેમના સ્ટાફનો ખુબ ખુબ આભાર માન્યો હતો. સાથે દાતાજયેશભાઈ કલોલાનો પણ આભાર માનવામાં આવ્યો હતો.
