ગરમીની સીઝન નજીક આવી રહી છે. અને શિયાળાની ઋતુ ધીમે ધીમે જય રહી છે. ત્યારે ઉનાળાના તાપમાં શાકભાજી અને ફ્રુટ વેચતા બહેનો હેરાન ન જાય તે માટે ઇન્ડિયન લાયોનેસ ક્લબ મોરબી દ્વારા મહિલા દિવસ નિમિત્તે “છાયડો” પ્રોજેક્ટ અંતર્ગત શાકભાજી અને ફ્રુટ વેચતા બહેનોને મોટી મોટી છત્રિઓનું વિતરણ કરવામાં આવ્યું હતું.
ઇન્ડિયન લાયોનેસ ક્લબ મોરબી દ્વારા મહિલા દિવસ નિમિત્તે “છાયડો” પ્રોજેક્ટ અંતર્ગત શાકભાજી અને ફ્રુટ વેચતા બહેનોને તડકા સામે રક્ષણ મળી શકે તે માટે મોટી મોટી છત્રિઓનું વિતરણ કરવામાં આવ્યું હતું. અને એ બહેનોના હાથેથી જ દીપ પ્રાગટ્ય પણ કરવામાં આવ્યું હતું. સેવાના આ કાર્યમાં સહયોગી ચોકસી બ્રધર્સ જ્વેલર્સ બન્યા હતા. જેમનો પ્રેસિડેન્ટ મયુરીબેન કોટેચાએ ખૂબ ખૂબ આભાર માન્યો હતો. તેમજ ક્લબ મેમ્બર્સ શોભનાબા, પ્રીતિબેન, નયનાબેન, મનીષાબેન, પાયલબેન, સુનિતાબેન, કવિતાબેન તથા કોમલબેને હાજરી આપીને કાર્યક્રમને સફળ બનાવ્યો હતો.
