મોરબી સબ જેલમાં કેદીઓને પાલક માતા-પિતા સહિતની અનેક યોજના અંગે માહિતગાર કરાયા

મોરબી સબ જેલ ખાતે કેદીઓને પાલક માતા-પિતા યોજના સહિત અનેક યોજના અંગે માહિતગાર કરવા માર્ગદશક કાર્યક્રમનું આયોજન કરવામાં આવ્યું હતું આ કાર્યક્રમમાં તમામ યોજના અંગે બંદીવાનોને માર્ગદર્શન આપવામાં આવ્યું હતું.

આઝાદી કા અમૃત મહોત્સવ અંતર્ગત મોરબી જિલ્લા બાળ સુરક્ષા એકમના સુરક્ષા અધિકારી રિતેષભાઇ ગુપ્તા તથા મોરબી સબ જેલના અધિક્ષક એલ.વી.પરમાર સાથે જેલ સ્ટાફ દ્રારા મોરબી સબ જેલ ખાતે પાલક માતા-પિતા યોજના, સ્પોન્સરશીપ યોજના, દતક વિધાન યોજના, સંસ્થાકીય સંભાળ જેવી વિવિધ યોજનાઓ વિશે જેલમાં રહેલા બંદિવાનોને માહિતગાર કરવામાં આવ્યા હતા.