મોરબીનાં વાઘપર ગામે વધુ એક મારામારીની ઘટના સામે આવી છે. જેમાં એક ઈસમે વૃધ્ધને મારા મજુરને કેમ તમારા ખેતર કપાસ વિણવા લઇ ગયેલ છો તેમ કહી ગાળો ભાંડી હુમલો કરતા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીનાં પંચવટી સોસાયટી વાઘપર ગામમાં રહેતા ગોરધનભાઇ નાનજીભાઇ કડીવાર નામના વૃધ્ધ ગઈકાલે સવારના સમયે પોતાના ખેતર કપાસ વિણવા માટે મજુર મુકવા ગયેલ અને મુકીને પાછા આવતા હતા. ત્યારે વિનોંદભાઇ બચુભાઇ કડીવાર (રહે-વાઘપર તા.જી મોરબી) નામનો શખ્સ વાઘપર ગામના ઝાપા પાસે બેઠો હોય અને ફરીયાદીને ઉભા રાખી કહેલ કે મારા મજુરને કેમ તમારા ખેતર કપાસ વિણવા લઇ ગયેલ છો તેમ કહી વૃધ્ધને જેમ ફાવે તેમ ગાળો આપી જમણા હાથમા એક ધોકો મારી ખંભાના ભાગે ફેકચર કરી તેમજ ડાબા હાથના પંજામા તથા ડાબા પગના સાથળમા ધોકા વડે મુઢ ઇજા કરતા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.
