ટંકારા ટેલીફોન એકસચેન્જ પાસેથી ઈસમ વિદેશી દારૂના જથ્થા સાથે ઝડપાયો:એકની શોધખોળ

ટંકારામાં ફરી એક વખત વિદેશી દારૂનો જથ્થો ઝડપાયો છે. જેમાં ટંકારા પોલીસની ટીમે ટંકારા ટેલીફોન એકસચેન્જ પાસે પડતર જીનમાંથી એક ઈસમને વિદેશી દારૂના જથ્થા સાથે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, ટંકારા પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, ટંકારા ટેલીફોન એકસચેન્જ પાસે પડતર જીનમાં ઈસમ દ્વારા વિદેશી દારૂનો જથ્થો છુપાડવામાં આવ્યો છે. જે હકીકતને લઈ પોલીસ દ્વારા સ્થળ પર રેઈડ કરી અરશદ ઉર્ફે સદામ લીયાકતભાઇ ઉમરીયા નામના ઈસમને ભારતીય બનાવટની પરપ્રાંતીય ઓફીસર ચોઇસ કલાસીક વ્હીસ્કીની ૨૪ બોટલોનાં રૂ.૭૬૮૦/-નાં મુદ્દામાલ સાથે પકડી પકડી પાડવામાં આવ્યો હતો. જે મુદ્દામાલ ઈસમ દ્વારા સીરાજ ઉર્ફે ભાણો ઉમરભાઇ જંગરી પાસેથી મેળવ્યો હોવાની કબૂલાત આપતા ફરાર આરોપીને પકડવા ચક્રો ગતિમાન કરવામાં આવ્યા છે.