માળીયા મી.નાં વેજલપર ગામેથી વર્લીફીચરનો જુગાર રમાડતો ઈસમ ઝડપાયો

મોરબીમાં તહેવારો નજીક આવતા મોરબી જિલ્લા પોલીસ દ્વારા જુગારીઓ પર તવાઈ બોલાવી એક બાદ એક રેઈડ કરવામાં આવી છે. ત્યારે ગઈકાલે માળીયા મી. પોલીસની ટીમે વેજલપર ગામના બસ સ્ટેશન નજીકથી એક ઈસમને વર્લીફીચરનો જુગાર રમાડતા ઝડપી પાડ્યો હતો.

મળતી માહિતી અનુસાર, માળીયા મી. પોલીસની ટીમે ગઈકાલે બાતમીનાં આધારે વેજલપર ગામના બસ સ્ટેશન નજીક ઘાટીલા ખાતે રેઈડ કરવામાં આવી હતી. અને સ્થળ પરથી અજયભાઈ દુર્લભજીભાઈ ગડેશીયા (રહે-વેજલપર ગામ તા-માળીયા મીં. જી.મોરબી) નામના શખ્સને જાહેરમાં બોલપેન તથા ડાયરી વડે પૈસાની હારજીતનો વર્લીફીચરનો જુગાર રમી રમાડતા કુલ રૂ.૨૧૦૦/-નાં મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.