મોરબીમાં વિદેશી દારૂનો જથ્થો પકડાવવાનો સિલસિલો યથાવત રહ્યો છે. ત્યારે વધુ એક યુવક વિદેશી દારૂની બોટલ સાથે ભાગ્યલક્ષ્મી સોસાયટીના નાકા પાસે વેજીટેબલ રોડ ઉપરથી ઝડપાયો છે. જેને પોલીસે પકડી પાડી પ્રોહિબિશન એક્ટ કલમ ૬૫(એ)(ઇ), ૧૧૬(બી) મુજબ ગુન્હો દાખલ કરી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી સીટી બી ડિવિઝન પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, ભાગ્યલક્ષ્મી સોસાયટીના નાકા પાસે વેજીટેબલ રોડ ઉપર જાહેરમાં રોડ ઉપર એક શખ્સ વિદેશી દારૂની બોટલ લઈ ઉભો છે. જે હકીકતના આધારે પોલીસે સ્થળ પર રેઈડ કરી સુરેશભાઇ ભુપતભાઇ રાઠોડ (રહે.ભાગ્યલક્ષ્મી સોસાયટી સરકારી સ્કુલની બાજુમાં વેજીટેબલરોડ મોરબી મુળ રહે.કંથારીયા તા.ચુડા જી.સુરેન્દ્રનગર) નામના શખ્સને ભારતીય બનાવટની વિદેશી દારૂની મેકડોવેલ્સ નં.૧ ડીલક્ષ વ્હિસ્કીની એક બોટલનાં રૂ.૩૭૫/-ના મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.
