વાંકાનેરના જાલસીકા ગામે યુવક પાણીમાં તણાયો

મોરબીમાં મેઘરાજાએ રૌદ્ર સ્વરૂપ ધારણ કરતા તારાજી સર્જાઈ હતી. જેના કારણે અનેક નદી નાળાઓમાં ઘોડાપૂર આવ્યું હતું. જો કે, હાલ વરસાદે વિરામ લીધો છે. તેમ છતાં અનેક નદીઓ હજુ પણ ગાંડીતૂર છે. ત્યારે વાંકાનેર તાલુકાના જાલસીકા ગામે આવેલ આવી જ એક નદીમાં એક યુવકનો ગરકાવ થયો છે. જેમાં ભાવેશભાઈ રાવતભાઇ ડાંગર નામનો યુવક પાણીમાં તણાયો હોવાનું સામે આવ્યું છે. ત્યારે બનાવની જાણ થતાં જ ફાયર વિભાગનો કાફલો તથા તરવૈયાઓ ઘટનાસ્થળે પહોંચ્યા હતા. અને યુવકની શોધખોળ હાથ ધરી છે.