ટંકારામાં લોખંડની સીડી બનાવતી વેળાએ પડી જતા મજુરનું મોત

ટંકારાનાં મિતાણા નેકનામ રોડ પર આવેલ એન્ટીટી માઇનરોક એલ.એલ.પી ના કારખાનાની ઓરડીમા રહેતો મૂળ ઉત્તરપ્રદેશનો અજીતકુમાર સ્વામીનાથન ચૌહાણ નામનો યુવક ગઈકાલે બપોરના સમયે મિતાણા નેકનામ રોડ પર આવેલ એન્ટીટી માઇનરોક એલ.એલ.પી ના કારખાનામા શેડ ઉપર આવેલ પતરા પર લોખંડની સીડી બનાવવાનુ કામ કરતો હતો. ત્યારે અકસ્માતે પડી જતા યુવકને માથાના ભાગે ગંભીર ઇજાઓ થતા તેને તાત્કાલિક સારવાર અર્થે મોરબી સરકારી હોસ્પિટલ ખસેડવામાં આવ્યો હતો. જ્યાં ફરજ પરના ડોક્ટર વાય.એલ.ફુલતરીયાએ યુવકને તપાસી મૃત જાહેર કર્યો હતો અને સમગ્ર મામલે ટંકારા પોલીસ સ્ટેશનમાં અકાળે મોતની નોંધ કરાવી હતી.